Mama Zainab atoa wito wa malezi bora kwa watoto Yatima

 

Mke wa Makamu wa Kwanza wa Rais Mama Zainab Kombo Shaib akionyesha Tunzo maalum  ambayo amekabidhiwa na Katibu wa Juimya ya Mazdalifa Farouk Hamad Khamis ambayo Tunzo hiyo hutolewa taasisi au Idara zinazohudumia jamii mara alipofika katika ofisini ya Jumuiya hiyo iliyoko Aman Mjini Unguja

Mke wa Makamu wa Kwanza wa Rais wa Zanzibar, Mama Zainab Kombo Shaib ametoa wito kwa jamii kuzingatia malezi na maadili mema katika kuwasimamia watoto yatima ili kujenga msingi bora wa maisha yao ya baadaye.

Mama Zainab ameyasema hayo leo alipotembelea Ofisi za Jumuiya ya Muzdalifa na kuongoza hafla ya kuwagawia sadaka watoto yatima, iliyofanyika katika Ukumbi wa Sebleni kwa Wazee, Jijini hapa.

Amesema licha ya dhima ya mahitaji, huduma za msingi na matunzo ya huruma wanayohitaji watoto walioondokewa na wazazi, bali la msingi ni pamoja na kuzingatia malezi bora na maadili, yatakayopelekea sehemu hiyo muhimu ya jamii kujengeka na kukubalika katika maisha ya baadaye.

Akitilia mkazo suala la malezi bora na maadili kwa watoto yatima na wale wanaoishi katika mazingira magumu wakiwemo wenye mahitaji maalum, Mama Zainab amewaasa wanafamilia kutokiuka wajibu wa matunzo, kwa kutegemea huduma za vituo vya kulelea yatima pekee, pindipo inapotokea miongoni mwa wazazi au walezi kufariki dunia.

sambamba na hilo Mama Zainab aliwausia watu ambao wameondokewa na ndugu zao na kuacha watoto ni vyema wakawalea Mayatima yao kwani watajisikia zaidi wakiwa katika familia zao.

"Ametangulia mbele ya Haki kaka kwa nini ndugu au Shangazi asimlee mtoto wa ndugu kwani na yeye mwanae kuliko kumpeleka katika vituo" alihoji Mama Zainab

Alieleza kuwa hasemi ni vibaya kuwapeleka watoto kulelewa kwenye vituo vya kulelea watoto Yatima lakini alishauri kuwa ni bora watoto wakalelewa na familia zao.

katibu Mkuu wa Jumuiya ya Muzdalif Sheikh Farouk Hamad Khamis akizungumza na Mke wa Makamu wa Kwanza wa Rais  Zanzibar Mama Zainab Kombo Shaib mara alipofika afisini kwake kujionea maendeleo ya jumiya hiyo

Katika hafla hiyo, Mama Zainab alikabidhiwa Ngao maalum ya Utumishi na Kujitolea katika Kusaidia Watoto Yatima, Wenye Ulemavu na Wanaoishi katika Mazingira Magumu, iliyodhaminiwa na Jumuiya ya Muzdalifa.

Mama zainab Kombo Shaib akimkabidhi mtoto Arwa Rajab Omar sada iliyotaayarishwa na jumuiya Muzdalifa katika khafla iliyofanyika Amani kwa Wazee Zanzibar

Mama Zainab Kombo Shaib akimkabidhi sadaka Mtoto Abdulwahid Juma Moh'd ambaye ni Yatima  ambayo ambayo imetayarishwa na Jumuiya ya kutoa hu,a kwa jamii (Muzdalifa) kwa Khafla iliyofanyika Aman kwa Wazee zanzibar

Naye Katibu Mkuu wa Jumuiya ya Muzdalifah, Sheikh Farouk Hamad Khamis ameeleza azma ya taasisi yake kuungamkono juhudi za kuwahudumia watoto yatima na wale wanaoishi katika mazingira magumu, wakiwemo wenye mahitaji maalum, ili kusaidia malengo ya Serikali katika maendeleo na ujenzi wa ustawi bora wa jamii, katika visiwa vya Unguja, Pemba na Jamhuri ya Muungano wa Tanzania kwa ujumla.

Katibu Mkuu wa Jumuiya ya Muzdalifa Sheikh Farouk Hamad Khamis akizungumza na watoto Yatima na wazee waliohudhuri katika khafla ya mke wa makamu wa kwanza wa rais wa Zanzuba Hapo kwa Wazee Zanzibar

Hafla hiyo ilihudhuriwa na viongozi na watendaji mbali mbali wa Serikali, asasi za kiraia, jumuiya za kusaidia watoto yatima, Idara ya Ustawi wa Jamii, na wazazi.

Baadhi ya wazee wa watoto Yatima walihudhuria katika khafla ya mke wa makamu wa kwanza wa Rais aliyofanyika Aman kwa wazee Zanzibar

About mmedia

This is a short description in the author block about the author. You edit it by entering text in the "Biographical Info" field in the user admin panel.